Gözəl və gənc görünməkdə vitaminlərin rolu....

Müəllif: arzum-aysum
Şərhlər: 6
Baxılıb: 1450
Səs ver:
(səs: 0)
Gözəl və sağlam görünmək üçün vitamin şərtdir.

Çünki vitamin çatışmazlığı orqanizmin zəifləməsinə, xroniki xəstəliklərin yaranmasına, tez qocalmaya gətirib çıxarda bilər. Gözəl və gənc qalmaq orqanizmdən daha düzgün qayğı və qidalanma tələb edir.

Bu yazıda qadına istənilən yaşda lazım olan vitaminlərin siyahısını təqdim edirik:

A VİTAMİNİ
Sümükləri, dişləri, toxumaları, dəri və sümük toxumasını gücləndirən A vitamini əsl antioksidant anbarıdır. Xroniki xəstəlik riskini azaldır, görmə qabiliyyətini yaxşılaşdırır, yaşlanma əlamətlərini ləngidir və immunitet sistemini gücləndirir.

Yerkökü, balqabaq, ərik, pomidor, qarpız, gül kələmi, kahı, şaftalı, qırmızı bibər, ispanaq, yumurta, süd, qovun və ciyər A vitamini ehtiva edir.

B2 VİTAMİNİ
Bədənə enerji verir, immuniteti gücləndirir, stresi azaldır, maddələr mübadiləsini yaxşılaşdırır. Boğaz ağrılarını azaldır, ağız yaralarını sağaldır, saç quruluğunu aradan qaldırır.

İçalat, süd məhsulları, tərəvəz, yumurta, soya lobyası, badam, fındıq, göbələk və taxıllar B2 vitamini ilə zəngindir.

B6 VİTAMİNİ
İmmunitet sistemi üçün çox əhəmiyyətlidir. Hormon istehsalına təsir edərək stress, depressiya, ürək xəstəlikləri ilə mübarizə aparır, yaddaş zəifliyini aradan qaldırır. Eyni zamanda qanda şəkərin səviyyəsini tarazlayır. Ürəkbulanmadan əziyyət çəkən hamilələrə də yaxşı təsir edir. Orqanizmdə sözügedən vitaminin çatışmazlığı qan azlığı ilə nəticələnir.

Taxıllar, avokado, banan, ət, lobya, balıq, yulaf, fındıq, tum və quru meyvələrin tərkibində B6 vitamini var.

B7 VİTAMİNİ
Biotin kimi da tanınan B7 vitamini hüceyrə yenilənməsi və yağ turşusunun sintezi üçün lazımdır. Tər vəzilərinə, saçlara və dərinin vəziyyətinə nəzarət edir. Saç uzanmasına kömək edir, dırnaqları qidalandırır. Sümük inkişafı və sümük iliyi üçün əhəmiyyətlidir, xolesterin səviyyəsini tarazlaşdırır.

B7 vitamini balıq, kartof, badam, yerkökü, banan, yemiş, sarı rəngli meyvələr, tərəvəzlər, mərci, bolqar bibəri, yumurta sarısı, soya lobyası, yulaf, süd məhsulları və fındıqda olur.

B9 VİTAMİNİ
Fol turşusu da deyilən B9 vitamini infarkt riskini azaldır. Yüksək təzyiq, depressiya, xərçəng və yaddaş zəifliyinə müsbət təsir edir. Bu vitamin zehni inkişaf, hamilələrdə dölün inkişafı üçün vacibdir. Tərəvəzlər, portağal suyu, qulançar, qarpız, qovun, çiyələk, paxla, lobya və yumurtanın tərkibində B9 vitamini var.

B12 VİTAMİNİ
Maddələr mübadiləsi və hüceyrə yenilənməsi prosesi üçün əhəmiyyətli olan B12 vitamini, ürək xəstəliklərinin, yaddaş zəifliyinin və qan azlığının qarşısını alır. Həmçinin depressiya əleyhinə, sinir sisteminin müalicəsində istifadə edilir. Süd məhsulları, yumurta, balıq, ət və taxıllar B12 ehtiva edən başlıca məhsullardır.

C VİTAMİNİ
Hüceyrələri yeniləyən, xərçəng və ürək xəstəlikləri riskini azaldan C vitamini, eyni zamanda qırmızı qan hüceyrələrinin yaranmasında mühüm rol oynayır.

Brokkoli, qreypfrut, kivi, portağal, bibər, kartof, çiyələk, kələm və pomidor C vitamini ilə zəngindir.

D VİTAMİNİ
D vitamininin əsas funksiyası sümükləri gücləndirməkdir. Skleroz, oynaq ağrıları və bir çox xərçəng növünün yaranma riskini azaldır. Menstruasiya dövründə simptomları azaldır. Gün ərzində 30 dəqiqə günəş işığında qalmaq orqanizmi ehtiyacı olduğu D vitaminini ilə təmin edir. Açıq dərili insanlar üçün 10-15 dəqiqə də kifayətdir. Yağlı balıq, süd məhsulları, ciyər, yumurtada da D vitamini var.

E VİTAMİNİ
E vitamini, sadəcə güclü antioksidant deyil, eyni zamanda immunitet sistemini gücləndirən, saç və dəriyə qulluq üçün də ən effektli vasitədir. E vitamini, qırışlar və digər yaşlanma əlamətləri ilə mübarizə aparmaqda böyük rol oynayır. Dəyərli E vitamini yağı orqanizmdəki sərbəst radikalların təsirini azaldır. Qocalma prosesini ləngidən E vitamini dəri xərçəngindən də qoruyur. Ürək xəstəlikləri, katarakt, yaddaş zəifliyi və bəzi xərçəng növlərinin qarşısını alır. Buğda toxumu, fındıq, badam, ispanaq, marqarin, qarğıdalı, balıq yağı, fıstıq əzməsi E vitamini ehtiva edən qidalardandır.

K VİTAMİNİ
Sümükləri gücləndirir, qanın laxtalanmasına kömək edir və ürək xəstəlikləri riskini azaldır. Tam taxıllı yeməklər, yaşıl yarpaqlı tərəvəzlər, soya lobyası yağı və balıq yağı K vitamini ehtiva edən başlıca qidalardır.
(səs: 0)
Şərhlər: 6
Baxılıb: 1450
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Şərh sayı: 3638
Xəbər sayı: 171
Qeydiyyat: 1.04.2015
Meleknur
B12 vitaminin daha cox bilirem
25 fevral 2018 00:00
6
Düşdüyündə ümidini, qalxdığında insanlığını itirmə!
Şərh sayı: 72556
Xəbər sayı: 1
Qeydiyyat: 7.04.2012
vipbetul
faydali melumatdir her bir vitamin lazimdir orqanizmaycin
24 fevral 2018 22:48
5
Of,If I stretch my hands,do you hold them in your hands,Sir?
Oh, do you look at my tearful eyes even once?
Şərh sayı: 80404
Xəbər sayı: 30
Qeydiyyat: 5.03.2012
BARBI
Her bir vitamin orqanizm ucun faydalidir.Gunde mueyyen miqdarda istifade edilmelidir
24 fevral 2018 22:37
4
Canımı yaktıktan sonra, hiç birşey olmamış gibi helallik isteyenler! Cehennemde yandığınızı görsem üzerinize benzin dökerim... !
Şərh sayı: 4759
Xəbər sayı: 155
Qeydiyyat: 6.12.2017
_Mrs_
Diqqət! Sizdə gizli mətnin baxışı üçün hüquq yoxdur.
24 fevral 2018 21:57
3
İt yatıb at kölgəsində,elə bilir öz kölgəsidirwink
Şərh sayı: 6000
Xəbər sayı: 0
Qeydiyyat: 16.11.2017
Cema_Axodova
maraqli melumatlardi
24 fevral 2018 20:11
2
p.s
Şərh sayı: 956
Xəbər sayı: 3
Qeydiyyat: 7.02.2018
Sabah Uykum
Maragli melumatdi
24 fevral 2018 20:06
1

Sırf bir gün dəyər verilib
Qiymətin bilinər deyə hər gün
Özünü fəda etmə....
Unutma;bir dəfə etdiyini görməyən
Hər gün etdiyini Borcun Zənn Edər..

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Ən çox oxunanlar

Qadın testləri