Qaragilənin qeyri-adi müalicəvi xüsusiyyətləri çoxdan məlumdur. Qaragilənin bütün faydalı xüsusiyyətləri onun şirəsindədir.
Uşaq düzgün qidalanmalı, doyunca yatmalı və müntəzəm qaragilə şirəsi içməlidir. Qaragilə tərkibli içkilər qəbul edən uşaqlar yeni informasiyanı daha yaxşı yadda saxlayırlar. 1,5 stəkan qaragilə şirəsi uşağın sinir sisteminə əla təsir göstərir.
Tədqiqatçıların fikrincə, bunun sirri qaragilənin flavonoid birləşmələri ilə zəngin olmasındadır. Bu maddələr baş beyində qan dövranını sürətləndirir, habelə neyronlararası informasiya ötürülməsi prosesini fəallaşdırır. Qeyd edək ki, flavonoid birləşmələri təkcə qaragilənin deyil, digər meyvə və tərəvəzlərin də tərkibində var.