1-ci hərəkət: Qalxıb yatağınızda oturun.Əllərinizi və barmaqlarınızı qabağa uzadın. Sonra başınızı ayaqlarınıza doğru əyin. Əzələlərinizin necə gərildiyini hiss edəcəksiniz. Bu hərəkətləri edərkən dərindən nəfəs alın.
2-ci hərəkət: Arxası üstə uzanın və qollarınızı yana açın. Sağ ayağınızı yuxarı qaldırın. 10 saniyə bu şəkildə saxlayın. Sonra ayağınızı aşağı-yuxarı hərəkət etdirin. Eyni hərəkəti sol ayağınız ilə də təkrar edin.
3-cü hərəkət: Dizlərinizi sinənizə qatlayın və bu şəkildə bir qədər gözləyin. Sonra yenə ayağınızı uzadın. Bu hərəkəti hər iki ayağınızla 3 dəfə təkrar edin.
4-cü hərəkət: Yatağınızda oturun. Bədəninizi beldən əyərək əllərinizlə ayaq barmaqlarınıza toxunmağa çalışın. Kürək əzələlərinizin necə gərildiyini hiss edəcəksiniz. Bir qədər gözlədikdən sonra əvvəlki vəziyyətinizə qayıdın. Bu hərəkəti 5 dəfə təkrar edin.
5-ci hərəkət: Yatağınızdan ayağa qalxın. Əllərinizi belinizə qoyun və ayaqlarınızı yana açın. Növbə ilə sağa, qabağa və sola əyilin. Sonra əvvəlki vəziyyətinizə qayıdın. Bu hərəkəti 5 dəfə təkrar edin.
Mənbə: Qadinlar.biz