Fransada ən nəhəng əczaçılıq şirkəti "Jaku Servye"yə qarşı ittiham irəli sürülüb.
 Fransa KİV-nə istinadən verdiyi məlumata görə, prokurorluq şirkətin diabetli xəstələr üçün istehsal etdiyi "Mediator" dərmanının indiyədək 2 mindən artıq insanın ölümünə səbəb olduğunu bildirir. İttihamlar təsdiqini taparsa, bu, müasir Fransanın tarixində ən səs-küylü qalmaqal olacaq.

İstehsalçı şirkət səhlənkarlıqdan insan ölümünə səbəb olma, dələduzluqda ittiham olunur. Şirkətin 89 yaşlı rəhbəri artıq həbs olunub. Onun girov müqabilində azadlığa çıxması üçün 4 milyon avro tələb olunur.
İstintaqçılar bildirirlər ki, "Mediator" preparatı yalnız Fransada 2000-dək insanın həyatına son qoyub. Başqa ölkələrdə vəziyyətin nə yerdə olduğu bilinmir.

"Mediator" preparatı 1976-cı ildən ikinci tip diabet xəstələri üçün buraxılır. O, insulinə həssaslıq azalan zaman qəbul edilir. İndiyədək ondan nə qədər xəstənin istifadə etdiyini hesablamaq mümkün deyil.