Gecə korluğu (Toyuq korluğu) sərbəst xəstəlik deyil , daha çox digər xəstəliklərin simptomudur "toyuq korluğu” da adlanmasının səbəbi toyuqlarda olduğu kimi gecə görmənin pozulmasıdır. Gözün torlu qişası 3 qatlı çöpəbənzər (çöplər) kolbacığabənzər ( kolbacıqlar) hüceyrələrlə örtülüdür. Çöplər ağ qara rəngləri və gecə görməni, kolbacıqların gündüz vaxtı rəngləri qəbul edir. İnsanda 110-125 mln çöpcüklər,6-7 milyon kolbacıqlar var (18:1nisbətində). Çöpcüklərdə radopsin piqmentin pozulması gecə korluğunun inkişafına səbəb olur. Anadangəlmə və qazanılma ola bilər. Anadangəlmə gecə korluğunda irsi faktor-piqmentli retint və ya Aşer sindromu əsas rol oynayır. Qazanılma korluğun səbəbləri keçirilmiş qızılca, su çiçəyi, məxmərək və hepsisin ağırlaşması, qanazlığı, diabet, katarakta,qlaulkoma, miopiya, görmə sinirinin atrofiyası , alkoqolizm ola bilər. Lakin gecə korluğu əsas səbəbkarı A, B2,PP vitaminlərin çatışmazlığı hesab olunur.
Müalicə: Anadangəlmə gecə korluğunun müalicəsi üçün tibbin imkanları məhdudur. Qazanılmış xəstəlik isə müalicə oluna bilər. Uşaqlar hətta yaxından görmə dərəcəsi az olsa da eynək istifadə etməlidir. Stolüstü flüorosent lampalardan imtina edir. Qidada A,C,E,PP,B2 vitaminləri, sink,β karotin zənginləşdirilməlidir. A vitamin əsas mənbəyi qırmızı, narıncı və sarı meyvə tərəvəzlər (kök, şirin bibər, çaytikanı, itburnu, balqabaq, gilas, qarağat) yumurta sarısı,pendir,kərə yağı, qara qırmızı ikra , qaraciyər, balıq,balıq yağı qidada əsas yer tutmalıdır.