Qəbizlikdən əziyyət çəkənlər qəbizliyi öz həyatlarının bir parçası kimi qəbul edirlər , uzun illər özləri – özlərinə çarə axtarırlar. Bəzi insanlar illərcə işlədici dərmanlar  içib, imalələr edib və digər üsullarla  " müalicə " olunaraq , həkimə müraciət etmirlər. Beləliklə, vəziyyəti daha da ağırlaşdırırlar.

Qəbizlik bütün yaş dövrlərində - yenidoğulmuşlardan tutmuş yaşlı insanlara kimi rast gəlinə bilər.

 QƏBİZLİK NƏDİR ?

 QƏBİZLİK  termini altında bağırsağın boşalma funksiyasının dayanıqlı və ya gəlib – keçən pozulması nəzərdə tutulur.  Qidanın insan bədənində keçdiyi yola  orta hesabla , 24 – 48 saat sərf olunur. Xroniki  qəbizliyi olan şəxslərdə isə bu proses 60 , bəzən 120 saat ( yəni 5 sutka ) davam edir.

 Kliniki praktikada aşağıda sadalanan əlamətlərdən 2 və daha artığının mövcudluğu zamanı qəbizlik məvhumu haqqında düşünmək olar :

• Bağırsaq möhtəviyyatının gec – gec xaric olması ( həftədə 3 dəfədən az ) ;

• Defekasiya zamanı nəcisin az miqdarda xaric olması ( 35 qr/ sutka – dan az ) ;

• Xaric olunan nəcisin forma , konsistensiya və sıxlığının dəyişməsi ;

• Bağırsağın natamam boşalması hissiyyatı ;

• Akt müddətinin 25 % - dən uzun çəkən anorektal obstruksiya hissi

• Möhtəviyyatın yumşaq konsistensiyasına baxmayaraq , güclü gücənmələrə ehtiyac hissi .

QƏBİZLİYƏ SƏBƏB OLAN AMİLLƏR :

• Qida rejiminin dəyişməsi ;

• Hamiləlik ;

• Müəyyən qida məhsullarının  ( çay , kakao və tərkibində bitki lifləri az miqdarda olan qidalar ) istifadəsi zamanı ;

•  Emosional amillər ( stress ,depressiya ) ;

• Bəzi dərman preparatlarının  qəbulu ( antidepresantlar , ağrıkəsicilər , hormonal preparatlar);

• Mədə - bağırsaq sistemi xəstəlikləri ( xora xəstəliyi , yoğun bağırsağın şişləri  ) ;

• Bərkimiş nəcis kütləsinin bağırsaqlarda yığılması ( nəcis daşları ) ;

• Anal dəliyin xəstəlikləri  ( anal çat, paraproktit , hemarroy ) ;

• Nevroloji xəstəliklər ( Parkinson xəstəliyi , Dağınınq skleroz , onurğa beyninin şişləri ) ;

• Endokrin sistemin xəstəlikləri ( hipotireoz , şəkərli  diabet , piylənmə ) ;

•  Uzun müdətli  depressiya.

QƏBİZLİYİ ARADAN QALDIRMAQ ÜÇÜN 10 QIZIL QAYDA :

1. Kifayət qədər maye qəbul edin ! ( 8 – 10 stəkan su ) Tərkibində maqnezium olan mineral sular işlədici təsir göstərir. Qara çayı yaşıl çay ilə əvəz edin , kofeni isə rasiondan çıxarın !

2.  Qida rasionuna liflə zəngin qidalar daxil edin ! Məs : kobud undan bişirilmiş çörək ,qarabaşaq, yulaf , quru paxla , mərcimək kimi yeməklər , salatlar , şorbalar . Qara gavalı , əncir, üzüm , quru ərik kimi meyvələr xeyirlidir.  Belə qidalar bağırsaqdakı toksinlərin , maya göbələklərinin və xəstəliktörədən bakteriyaların inkişafını azaldır.

3. Tez mənimsənilən qisaları azaldın ! Rasiondan ağ çörəyi , bulkanı , mannı sıyığını , kartofu , makaronu , kiseli , şokalad ,armudu çıxardın !

4. Qidalanma rejimini dəyişin ! Az – az, tez – tez ( gün ərzində 5 – 6 dəfə ) yeyin !

5. Aktiv hətəkətlər edin  ! Cəld addımlarla gəzmək , requlyar gimnastika, üzmək  bağırsaqların hərəkətini stimulyasiya edir. Ən azı gün ərzində 20 – 30 dəqiqə fiziki aktiv hərəkətlər edin !  Səhər yeməyinə qədər qarnın ön divarını  saat əqrəbi istiqamətində dairəvi masaj edin!

6.  Səhər yeməyini səhər saat 9: 00 – a qədər  yeyin !

7. Səhər yeməyindən sonra gündəlik " bağırsağı məşq elətdirin " ! Tualetə gedib 10 dəq  oturun. Nəticədən asılı olmayaraq , bu vaxt boş yerə sərf olunmayacaq. Vaxt keçdikcə siz yoğun bağırsağın eyni vaxtda boşalmasına nail olacaqsız.

8. Heç vaxt defekasiya aktını saxlamayın ! Çağırış olan kimi tez tualete gedion ! Eləcə də çox gücənmədən uaq olun , bu düz bağırsaq üçün ziyanlıdır .

9. Qəbul etdiyiniz hər hansı bir dərmanı diqqətlə öyrənin – qəbizlik onların qəbulunun nəticəsi ola bilər. Həkimlə məsləhətləşin .

10. İşlədici dərmanları öz başına qəbul etməyin , mütləq həkimlə məsləhətləşin . Seçilən dərman sizin üçün effektli və təhlükəsiz olmalıdır !
    
    

     QƏBİZLİYƏ " DIRNAQARASI " BAXMAYIN ! ÇÜNKİ QƏBİZLİK CİDDİ XƏSTƏLİKLƏRİN İLK VƏ GÖRÜNƏN TƏK ƏLAMƏTİ OLA BİLƏR !  " QƏBİZLİK HAMIDA VAR ,QORXULU DEYİL " DEMƏYİN , VAXTINDA HƏKİMƏ MÜRACİƏT  EDİN !