Vaginizmin fəsadları qadına və ərinə öz mənfi təsirini göstərir. Belə ki, cütlər evliliyin ilk etaplarında cinsi əlaqənin mümkünsüzlüyünü adi hal kimi qəbul edirlər. Düşünürlər ki ,bir-birlərinə uyğunlaşdıqca bu problem həll olunacaq. Əvvəllər boş baxdıqları bu problem sonra onların gündəlik əsas problemlərinə çevrilir. Qadınlarda (qızlarda) ilk vaxtlarda cinsi həvəs olur,ön sevişmə mərhələsində hər şey öz qaydasında olur.İlk vaxtlar cütlər əlaqədə olmağı  tez-tez sınayırlar. Amma müəyyən vaxt keçdikdən sonra həm qadında ,həm də kişidə cinsi həvəs azalaraq əlaqədə olmağa heç cəhd də göstərmirlər. "Onsuz da bu dəfə də alınmayacaq" - deyə ruhdan düşürlər. Hər dəfə qarşılaşdıqları uğursuzluqlardan yaranan bədbinlik enerjisi onların bütün həyatlarına sirayət edir. Qadın sevərək evləndiyi və ailəsini bu duruma gətirdiyinə görə özünü "ərinin" qarşısında günahkar hiss etməyə başlayır. Bütün qadınlardan fərqli olduğunu düşünərək, özündə bir əksiyin olduğunu anlayır. Bu hisslər get-gedə dərinləşərək onu depressiyaya salır. Hətda onlar bu duyğularını belə ifadə edirlər : - Bu cür yaşamaqdan bezmişəm. Heç bilmirəm həyatda nə kimi yaşayıram. Qadın deyilem,kişi də deyiləm,uşaq da deyiləm, subay qız da deyiləm. Bütün arzularımı itirmişəm. Bəs men nəyəm? Mən bitkiyəm...Sadəcə yaşayıram ...

Depressiv vəziyyət onu insanlardan uzaqlaşdırır. Qadınlar özünə qapanaraq tək qalmaq istəyirlər.İnsanların gözlərinə baxa bilməz hala gəlib çıxırlar. Elə bilirlər ki, hamı onun vaginizm olduğunu başa düşür, hamı onun bütün qadınlar kimi olmadığını , " yararsız " , " bacarıqsız " olduğunu anlayır. Bütün qadınlara həsəd aparmağa başlayır, özlərinin çox bədbəxt olduğunu düşünərək özünə nifrət etməyə başlayır, öz güvənlərini tamamilə itirirlər. Eləcə də daimi olaraq uğursuzluqla qarşılaşma, rədd olunma "ərin" də psixi durumunu dəyişərək cinsi zəifliyin ( impotensiya) yaranmasına yol açır. Vaginizm hər iki tərəfin psixi durumunda kobud izlərini qoyur. Vaginizmin verdiyi fəsadlar qadının həyatını (eləcə də kişinin) sözün əsl mənasında kabusa çevirir. Vaginizm onları cəmiyyətdə lazımsız hala gətirib çıxarır. Elə bir vəziyyətə gətirib çıxarır ki, düşdükləri burulğandan heç bir vasitə ilə çıxa bilmirlər, əksinə hər gün daha dərinlərə girirlər.

Dr. Günay Hacıyeva