Arzu Əliyevanı mediya önündə çox az görmək mümkündür. Lakin, hər gördüyümdə məni öz geyimi ilə təəccübləndirməyi bacarır. Məsələn,uşaqlar üçün keçirilən tədbirlərdən birində seçim etdiyi bu möhtəşəm Matthew Williamson donda Arzu xanım həqiqətən çox gözəl görsənir. Gümüşü rəngli bu geyim xanımın yaşına da çox uyğundur.
Lakin, bir müddət sonra eyni geyimi Aida Mahmudova-nın üzərində də gördüm. Həm də Arzu Əliyevanın da qatıldığı Fransadakı Azərbaycan mədəniyyətinin təbliği ilə bağlı keçirilən tədbirdə. Bir yerdə olmasalar təsadüfdür demək olar,lakin bir yerdə olduqları onların da bundan xəbərdar olduğunu göstərir. Hər halda Matthew Williamson-un bu möhtəşəm donu hər iki xanımın ürəyini fəth edib ki, hər ikisi geyinib. Bəlkə də, geyimi bir yerdə bəyənib alıblar)). Bu möhtəşəm Matthew Williamson donun qiyməti isə $1695-dır.
Yeri gəlmişkən, diqqətimi çəkən bir digər detal isə Arzu xanımın klarçıdır. Bir çox markanın kolleksiyasında sklet detallarını görmək olar.Bunlar arasında ən məşhuru Alexander McQueen-i göstərmək olar.İlk baxışdan Arzu xanımın da McQueen klarç götürdüyünü düşündüm lakin, bu klarç Lucien Pellat-Finet-in krokodil dərisi klarçı imiş. Bu cür exclusiv dizaynerlərdən seçim etməsi moda ilə yaxından maraqlandığını göstərir.