Heydər Əliyev Fondunun vitse-prezidenti Leyla Əliyeva Almaniyada müalicəsi davam etdirilən və bir müddət əvvəl müvəqqəti olaraq Bakıya qayıdan teleaparıcı Hacı Nuran Hüseynovla görüşüb.
Aparıcı bu görüşə və onu daim diqqətdə saxladığına görə Leyla Əliyevaya təşəkkürünü bildirib:
"Mənə tez-tez deyirlər ki, həyatın keşməkeşli yollarını necə eşqlə, inamla keçə bilirsən? Cavabım həmişə eynidir: insanları, Vətəni və Allahı sevin...
Müalicəmi təşkil edən, ən çətin anlarımda mənə dəstək olan, çox sevdiyim Leyla xanımla Heydər Əliyev Fondunda görüşdüm. Onun məni isti qarşılamasını, mənimlə maraqlanmasını, sağlamlığıma diqqət göstərməsini görəndən sonra necə yaşamaq istəməyim?..
Bu qədər böyükürəkli, sadə azərbaycanlı ilə fəxr etməkdən doymaq mümkündürmü?
Hisslərimi sözlə ifadə edə bilmirəm. Hər şeyə görə çox sağ olun, Leyla xanım!