İyunun 23-də Heydər Əliyev Fondunun təşəbbüsü ilə uşaq evləri və Daun Sindromlu Şəxslərin Reabilitasiya Mərkəzinin sakinləri üçün növbəti dəfə maraqlı şənlik təşkil olunub.

Şənlikdə Fondun vitse-prezidenti Leyla Əliyeva iştirak edib.

Fondun təşəbbüsü ilə təşkil olunan şənliyə xüsusi avtobuslarla gətirilən uşaqları nağıl qəhrəmanları qarşılayıblar. Leyla Əliyeva da övladı ilə birlikdə uşaqların şənliyinə qoşulub.

Leyla Əliyeva uşaqlarla söhbət edib, şənliklə bağlı fikirlərini öyrənib, onlarla şəkil çəkdirib. Hər bir uşağa Heydər Əliyev Fondunun hədiyyələri təqdim edilib.