Günbəgün inkişaf edən Azərbaycan cəmiyyətində "qadın hüquqları" necə yozulur?
Doğrudur xalqımız arasında müasir düşüncəli insanlar çoxdur amma hələ də bir çoxları qadın və kişi arasında fərqlər yaradır.
Xəbərimi tənqid etmək istəyənlərə də bildirim ki,nə qədər belələri var biz-azad qadınlar susmayacağıq.
İnsan ilk növbədə özünü dərk etməlidir sonra başqalarını...Azəri qadını anlayırmı ki,bu azadlıq ona nələr verir?Əfsuslar ki,bu suala mənfi cavab eşidəcəyimiz hallar da var.
Qadın azadlığı namussuz olmaq demək deyil,qadın azadlığı öz haqqlarını müdafiə etməkdir,dözüm gərəkməyən yerdə etiraz səsini ucaltmaqdır,ətrafdakıların sənin haqqlarının fərqinə varmasını tələb etməkdir və bunları bacarmaqdır,azadlıq "mən buyam"deməkdir "mən bunu bacarıram"deməkdir,"mən qadınam heç bir kişidən geri qalmıram bacarıqda,vətənə xeyir verməkdə,üzərimdə zəhməti olanların adını ucaltmaqda".
Qadın haqqlarını dərk etmək qadın və kişi arasında heç bir hüquqi fərq qoymamaqdır.
Qadın azadlığını dərk etmək qadın olmaqdan utanmamaqdır.
Gəlin azadlığımızı düzgün dərk edək,yanlış yozumlara aldanmayaq.