İmam Əli(ə) buyurub: "Qüdrətin zəkatı insafdır. Gözəlliyin zəkatı iffətli olmaqdır. Qələbənin zəkatı yaxşılıq və güzəşt etməkdir. Asanlıq və rahatlığın zəkatı qonşulara yaxşılıq etmək və qohumlarla görüşməkdir. Sağlamlığın zəkatı Allaha itaətdə çalışmaqdır. Şücaətin zəkatı Allah yolunda cihad etməkdir. Elmin zəkatı onu təhqiqatçılara bağışlamaqdır. Gözün zəkatı dünyaya ibrətlə baxıb şəhvətə göz yummaqdır. Qulağın zəkatı elm, hikmət və Quran eşitməkdir. Nemətlərin zəkatı Allah bəndələrinə yaxşılıq etməkdir. Məqamın zəkatı başqalarına şəfaət etməkdir. Bədənin zəkatı oruc tutmaqdır".