Ata və iki qızı

Qeydiyyat Şifrənin bərpası

Qadınla.Com

Tarix: 29-01-2014, 22:00

Müəllif: Wiyinka

Şərhlər: 6

Baxılıb: 4 688

Bölmə: Qadın və Din / Hekayələr

Səs ver:

(səs: 5)

"Biharul-Ənvar"da belə bir hekayə nəql olunur:

Bəni-İsrail övladlarından bir kişinin iki qızı var idi. Onlardan birini əkinçiyə, digərini isə dulusçuya ərə vermişdi.

Bir gün onlara baş çəkməyə gedir. Əvvəlcə əkinçiyə ərə verdiyi qızının yanına gedərək onun əhvalını soruşur, yaşayışları haqda məlumat almaq istəyir.

"Ata, yodaşım bolluca əkin əkib, əgər Allah yağış yağdıraraq rəhmətini göydən endirsə, bizim vəziyyətimiz Bəni-İsrail övladları arasında ən yaxşısı olacaq” - deyə qızı cavab verir.

O, qızının yanından ayrılıb dulusçuya ərə verdiyi qızının yanına gedir və onun da əhvalını və yaşayış şəraitini soruşur. Qız cavabında deyir:

"Ata, yoldaşım çoxlu sayda saxsı qablar hazırlayıb, əgər qablar quruyana qədər Allah yağış yağdırmazsa, Bəni-İsrail arasında bizim vəziyyətimiz hamıdan daha yaxşı olacaq”.

Ata evə qayıdandan sonra üzünü Allaha tutub deyir:

"Allahım! Onların haqqında sən nəyi məsləhət görürsənsə, o cür olsun”. (Biharul-Ənvar, c. 14, s. 488)

"Bəzən xoşlamadığınız bir şey sizin üçün xeyirli, bəzən də xoşladığınız bir şey sizin üçün zərərli ola bilər.(Onu) Allah bilir, siz bilməzsiniz".

(Bəqərə, 216.)