İnsanların internet vasitəsilə məhsul və xidmət satın alma formaları illər ərzində əsaslı şəkildə dəyişdi və bu gün müştərilər hər zaman olduğundan daha çox imkana sahibdirlər. E-ticarət üzrə texnologiya şirkəti olan "BigCommerce" istifadəçilərin onlayn alış-veriş edərkən nələrə əhəmiyyət verdikləri ilə bağlı fikir sahibi olmaq üçün bir çox e-ticarət saytını təhlil etdi. "BigCommerce" – in həyata keçirdiyi təhlil nəticəsində əldə etdiyi məlumatlar onlayn e-ticarət mağazalarını əsas götürsə də, burada bütün biznes sahələri üçün dərs olacaq nümunələr mövcuddur.

"BigCommerce" – in "Hər hansı bir alış-veriş qərarına nə təsir göstərir" başlıqlı yayımladığı cədvələ əsasən müştərilərin satın alma qərarına təsir göstərən ən mühüm 10 amil aşağıdakı kimi sıralanır:

Məhsulun keyfiyyəti – 56%
Pulsuz çatdırılma – 49%
Məhsulun asanlıqla geri qaytarılması – 35%
Müştəri rəyləri – 33%
Vizual axtarış – 30%
Mükəmməl naviqasiya – 26%
Rahat kassa – 24%
Çeşid müxtəlifliyi – 24%
Məxsusi ölçü – 12%
Yeni məhsul – 10%

Eyni zamanda 1995 – ci ildə 70% olan mağazanın daxilində qərar vermə göstəricisi 2012 – ci ildə 76% - ə yüksəldi.

İnternet alış-verişə necə təsir göstərir?

"BigCommerce" – in hazırladığı qrafikə görə alış-veriş edən insanların 62% - i hər hansı bir məhsulu onlayn olaraq satın almamışdan əvvəl mağazadakı çox bahalı məhsulları araşdırır. Həmçinin 10 istifadəçidən 9 – u satın alma ehtimalı olan texnoloji məhsullarla bağlı videoları izlədiyini bildirirlər. Bu baxımdan ağıllı telefonlar vasitəsilə ən çox satılan məhsullar aşağıdakı kimidir:

Elektronik – 64%
Market alış-verişi – 57%
Geyim əşyaları – 54%

Aparılan araşdırmaya görə alış-veriş edən insanların 54% - i ağıllı telefon sahibləridir. Bu insanların 76% - i öz ağıllı telefonlarından əsasən alış-veriş edərkən istifadə edirlər. İstifadəçilərin yarısı alış-veriş zamanı qiymətləri, promosiyaları, məhsul qiymətləndirmələrini və məhsulla bağlı məlumatları yoxlamaq üçün ağıllı telefonlarından istifadə edirlər.

Sosial media alış-verişə necə təsir göstərir?

Araşdırmaya görə istifadəçilərin 81% - i dostlarının etdikləri paylaşımların satın alma qərarlarına birbaşa olaraq təsir göstərdiyini bildirirlər. Bununla yanaşı istifadəçilərin 30% - isə markaların paylaşımlarının dostları tərəfindən yenidən paylaşılması halında onların diqqətini daha çox çəkdiyini söyləyirlər. Həmçinin ana olan qadınların 38% - nin "Facebook" – da bəyəndikləri markalardan alış-veriş etmə ehtimalının digər qadınlara görə daha yüksək olduğu qeyd edilir.

Bununla yanaşı insanların 44% - nin tərkibində şəkillərin olduğu paylaşımlara, 37% - nin isə videoların olduğu paylaşımlara diqqət yetirdiyi görülür.