30 yaşdan sonra ailə qurmaq

Müəllif: Catwoman666
Şərhlər: 6
Baxılıb: 7 116
Səs ver:
(səs: 0)
Bu gün 30 yaşdan sonra ərə getmək və bu yaşdan sonra ərə getməyin çətinlikərindən danışacağıq. Qadın olmaq çətindir. Xüsusilə də əgər sizin 30 yaşınız varsa və siz hələ də ailəli deyilsinizsə. Əslində, bu bəlkə də sizi heç narahat etmir. Lakin sizin mənəvi rahatlığınızı tez-tez pozan insanlar tapılır. Bu insanlar sizin qayğıkeş ailəniz və dostlarınız da ola bilər. Onlar sizin niyə ailə qurmaq istəmədiyinizi soruşacaq, sizi müxtəlif insanlarla tanış etməyə və sizi ərə getməyə məcbur edəcəklər. Sizə tez-tez belə sual ünvalanacaq "Sən ərə getmək istəyirsən ya yox?".  Əvvəllər 20 yaşınız olanda bu sual sizi sadəcə güldürürdüsə, indi həyatınızı zəhərləyir. Mövzunu bağlamaq üçün "Bəli ərə getmək istəyirəm, istəyirəm, ancaq hələ ərə gedəcəyim insana rast gəlməmişəm" deyə əsəb və acıqla cavab verirsiniz.

1. 30 yaşdan sonra ərə getmək çox çətindir. Çünki 30 yaşlı qızlar artıq dünya görüşü daha çox və məlumatlıdırlar. Bu yaşda qızlar artıq həyatdan nə istədiklərini bilir və ideal insan axtrırlar. Əgər bu vaxta qədər ərə getməyiblərsə, deməli problem var. Bəziləri ərə getməkdən qorxur. Ailə və uşaq məsuliyyətini tam dərk etmir və gələn bütün təkliflərə xeyir cavabı verir. Ancaq bu o demək deyil ki, 30 yaşdan sonra sizə layiqli namizəd olmayacaq. Ömər Xəyyamın belə bir kəlamı var: "Sevmədiyin bir insanla olmaqdansa, tənha olmaq daha yaxşıdır". Qərbdə ümumiyyətlə 30 yaşdan tez ailə quranlar azlıq təşkil edir. Ona görə də bu nigahlar daha uzunömürlü və möhkəm olur. İnsanlar daha çox məlumatlı olur, işini, karyerasını qurur, öz ayaqları üzərində möhkəm durmağı öyrənir, sonra ailə həyatı qururlar. Ona görə də siz narahat olmayın. Siz hələ gəncsiniz və uzun müddət də belə qalacaqsınız.

2. Bu yaşda bir problem də sizi narahat edir. "30 yaşdan sonra uşaq dünyaya gətirmək çox çətindir" deyib sizə tez-tez həyəcan yaşadırlar. Əlbəttə bu sözdə həqiqət var. 20-25 yaşlarında kimi asan olmur 30 yaşda uşaq dünyaya gətirmək. Ancaq artıq tibb çox irəliləyib və inkişaf edib. Yəni bunun üçün də narahat olmağa dəyməz. Bu gün həkimlər belə bir qənaətə gəliblər ki, əgər qadında heç bir potologiya yoxdursa, o tam sağlam uşaq dünyaya gətirə bilər. Amerikalı professor Con Mirovski deyir ki, qadının ən yaxşı uşaq dünyaya gətirən dövrü 34 yaşdır. Təki ömür boyu yaşayacaq adamı dəqiq seçin və onunla bir ömür sürəcəyinizi bilərək onu daha yaxşı tanımağa çalışın.

3. 30 yaşda ağıllı və cazibadar kişi olmur. Daha dorusu fikirləşirsiniz ki, bu zamana qədər artıq bütün kişilər ailə qurur. Sizin ərə getməyiniz real deyil. Lakin bu tamamilə yalnış fikirdir. 19 yaşda olan qızlar 20-25 yaşlı oğlanlarla ailə həyatı qurduqda onları hələ də tanımırlar. Çünki insan 30 yaşadək böyüyür və dünya görüşü çoxalır. 30-dan çox yaşı olan kişilərin 99 faizi artıq yaxşı işlə təmin olur və ailə həyatının müqəddəsliyini və vacibliyini dərk edir. Sadəcə olaraq 19-20 yaşda olarkən seçim və zaman çox olur. 30 yaşdan sonra isə seçiminiz və zamanınız az olur. Ona görə də evdə oturub xoşbəxtliyin gəlib sizi tapacağına inanmayın. Çıxın, gəzin, insanların gur olduğu yerlərə gedin və özünüzə inanın.

4.Kişilər 30 yaşı keçmiş xanımlardan qorxur. Sizin qızıl xasiyyətiniz olsa da, siz çox gözəl olsanız belə, onlar bildikdə 30 yaşını keçmisiniz, tərəddüd etməyə başlayırlar. Bu növbəti ağılsızlıqdır. Ağıllı kişi bunu özünə problem etməz. Bu barədə qəti düşünməyəcək. Belə düşünən kişi isə bizə heç də lazım deyil.

5. Qadın tək olmağa vərdiş edib.Belə bir stereotip də var ki, qadın tək olmağa vərdiş edir. Ona heç kim nəyi necə edəcəyini demir. Müəyyən qadağalar və məsuliyyətlərlə qarşılaşmır. Və kiminsə paltararını, corablarını yumaq məcburiyyətində deyil. Buna görə çox qadınlar artıq 30 yaşdan sonra ərə getmək istəmirlər. Lakin bu yalnış fikirdir. Siz bunu da asanlıqla həll edə biləcək yaşdasınız. İlk öncə texnologiya o qədər inkişaf edib ki, artıq bütün işləri sizin yerinizə edəcək maşınlar var. Sevdikdən, sevildikdən sonra bunu siz problem etməyəcəksiniz. İnsan ömür boyu tək yaşaya bilməz. Sizə yanınızda olacaq bir insan, dost mütləq lazımdır. Lakin ictimai qınaq sizə təsir etməsin. Bir həyatı yaşayacaq insanı yaxşı seçin. Qarşınıza çıxan insanı tanıyın. Onunla görüşün, danışın xasiyyətinə bələd olun. Bütün xanımlara xoş və gözəl həyat diləyi ilə.
(səs: 0)
Şərhlər: 6
Baxılıb: 7 116
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri