Təmizlənmə 4 mərhələdən ibarətdir. Onların hər birində müəyyən komponentlərin istifadəsi nəzərdə tutulub.Qadınlar.biz xarici mətbuata istinadən xəbər verir ki, bu proseduranı həyata keçirərkən ardıcıllığa riayət edilməsi vacibdir:
1. Bir xörək qaşığı yulaf ununu 1 çay qaşığı bitki yağı ilə qarışdırın.
2. Bir xörək qaşığı balı 1 çay qaşığı alma şirəsi ilə qarışdırın.
3. 1/2 stəkan turş kefiri 1/2 çay qaşığı limon şirəsi ilə qarışdırın.
4. Mineral su ilə doldurulmuş pulverizator

Tətbiqi:
1.Üç dəqiqə ərzində yağlı-yulaflı kütləni pambıqla dərinizə masaj edərək sürtün. Sonra 5-7 dəqiqə gözləyin.
2. Ballı-şirəli məhlulu üzünüzə çəkin, 5-7 dəqiqə gözləyin.
3. Üzünüzü yumadan kefirli məhlulu çəkin.
4. Üzünüzü təmiz su ilə yuyub. Mineral suyu pulverizatorla üzünüzə çiləyin və ya tənzifi suya batırıb 2-3 dəqiqə üzünüzdə saxlayın.
Belə təmizləmə sayəsində dərinin buynuz qatı qismən çıxarılır ki, nəticədə dəri ölü hüceyrələrdən təmizlənir. Beləliklə, yenilənən dəri cavanlaşmış və təravətli  görünür. Proseduranı hamamda aparmaq daha məqsədəuyğundur.