Armudlu maska və losyonlar dərini hamar və elastiki edir, məsamələri bağlayır.
Cavanlaşdırıcı maska
1 çay qaşığı xama və 1 çay qaşığı zeytun yağının üzərinə 1 xörək
qaşığı kraxmal əlavə edib yaxşı-yaxşı qarışdırın, üzünüzə çəkin,
üstündən armud dilimləri qoyun. 15 dəqiqə saxladıqdan sonra sərin su ilə
yuyun. Belə maska dərini çox gözəl cavanlaşdırır.
Həssas dəri üçün maska
Əzilmiş şirəsi sıxılmış armudu südlə qarışdırıb üzünüzə çəkin. 20
dəqiqə saxladıqdan sonra çobanyastığı dəmləməsində isladılmış pambıqla
silin.
Yağlı dəri üçün maska
Sürtkəcdən keçirilmiş bir ədəd armudu 3 xörək qaşığı yoqurtla qarışdırın, üzünüzə çəkin, 15 dəqiqə sonra ilıq su ilə yuyun.
Yağlı dəri üçün daha bir maska
1 xörək qaşığı sürtkəcdən keçirilmiş armudu təxminən 2 çay qaşığı
limon şirəsi ilə qarışdırın, üzünüzə çəkin, 15 dəqiqə sonra qaynadılmış
su ilə yuyun. Belə maska yağlı dərini təmizləyir, məsamələri bağlayır.
Normal dəri üçün maska
Qabığı soyulmuş və sürtkəcdən keçirilmiş 1 xörək qaşığı armudu 1
xörək qaşığı zeytun yağı ilə yaxşı-yaxşı qarışdırın, üzünüzə çəkin, 15
dəqiqə saxlayın, sonra yuyun.
Cavanlaşdırıcı losyon
Eyni qədərdə armud şirəsi və arağı qarışdırın, 2 həftə qaranlıq
yerdə saxlayın. İstifadə etməmişdən öncə üzərinə su əlavə edin. Bundan
sonra hər gün losyondan istifadə edin.
Yağlı dəri üçün maska
Armudu rəndələyin, ora 2 çay qaşığı limon şirəsi qatıb qarışdırın,
üzünüzə çəkin və 10 dəqiqə sonra qaynadılmış su ilə yuyun. Bu maska
yağlı dərilər üçündür və üzdəki məsamələri bağlayır.
Quru dəri üçün maska
1 xörək qaşığı əzilmiş armud üzərinə həmin miqdarda zeytun yağı
qatıb qarışdırın, üzünüzə çəkin, 15 dəqiqə sonra ilıq su ilə yuyun.
Yağlı və normal dəri üçün maska
1 xörək qaşığı əzilmiş turşməzə armud üzərinə 1 yumurta ağı əlavə
edib qarışdırın, üzünüzə çəkin, 10-15 dəqiqə sonra ilıq su ilə yuyun.
Quru dəri üçün bu maskanı hazırlayanda yumurtanın sarısından istifadə
edin.
Dərinin elastiki olması üçün maska
1 xörək qaşığı əzilmiş armudun üzərinə 1 çay qaşığı bal əlavə edib qarışdırın, üz dərinizə çəkin, 10-15 də