Yağlı dəri üçün limonlu təmizləyici krem Tərkibi: 3 xörək qaşığı zeytun yağı, 1 xörək qaşığı limon şirəsi, biraz çay qaşığı duz, 1 çay qaşığı gül suyu. Bunları qarışdırın. Yarımdəqiqəlik üzünüzə sürtün, ilıq su ilə yuyun.
Canlandırıcı üz maskası Tərkibi: 1 çay qaşığı zeytun yağı, 1 çay qaşığı xama, 1 xörək qaşığı quru maya, 1 çay qaşığı limon şirəsi, 1 çay qaşığı kök şirəsi və ya alma. Bunları qarışdırıb, üzünüzə 10-15 dəqiqəlik sürtün. Sərin su ilə yuyun. Ağardıcı maska Tərkibi: 2 xörək qaşığı kaolin (ağ farfor gili), 2 xörək qaşığı zeytun yağı, 1 xörək qaşığı limon şirəsi, bir neçə damcı nanə yağı və ya cövhəri (və ya 1 çay qaşığı cəfəri şirəsi).
Kaolini zeytun yağı ilə qatı bir məhlul halına gələnə qədər qarışdırın, limon şirəsini və nanə yağını əlavə edin. Təmiz üzə 15-20 dəqiqəlik sürtün, ilıq su ilə yuyun. Sızanaq maskası Tərkibi: 1 ədəd limonun suyu, 1 çay qaşığı uşaq pudrası, 1 ədəd mineral su
Pudranı bir kasaya töküb limon suyunu əlavə edin. Kremə oxşar qatı olmayan qarışıq əldə etməyə çalışın.
Maskanı, istəsəniz, təkcə sızanaqlarınızın üzərinə və ya bütün üzünüzə çəkin. 10 dəqiqə sonra üzünüzü yuyun. Bu zaman mineral sudan istifadə edin. Üz təmizliyi üçün gel Tərkibi: 4 xörək qaşığı aloe şirəsi, 4 xörək qaşığı zeytun yağı, limon, nanə, çay ağacı və badam yağlarının hər birindən 1 çay qaşığı
Bu yağları tünd rəngli şüşəyə tökün və soyuducuda saxlayın. Geldən istifadə qaydası çox sadədir. Pambığı gelə batırın və üzünüzü onunla silin.