Qadınlardan gələn gözəl qoxu hər zaman kişilərin başını döndürür. Gözəl qoxan qadın həm də cəzbedici olur. Hər səhər ətir şüşəsi ilə çimsək də, yaxud gözəl qoxmaq üçün başqa yollara əl atsaq da, çox təəssüf ki, bu qoxunu gün boyu saxlamaq mümkün olmur. Günortadan sonra qoxumuz ya uçur, ya da ya da günün tempinə gör pis bir qoxuya dönüşür.

Qadınla.com xəbər verir ki, ətir istifadə etmədən də gözəl qoxmaq istəyirsinizsə, lent.az-ın təqdim etdiyi bu sadə yolları dəyərləndirin.

Gözəl qoxmağın başlıca sirri təmizlikdir. Məktəbə, ya işə getmədən əvvəl səhərlər çimmək, yuxudan durarkən duşa girmək dərinizi yeniləyər. Çimərkən xüsusi ətirli bədən şampunu, ya da bədən geli istifadə edin. Bədən gelini sürtdükdən sonra dərhal yumayın. 5 dəqiqə gözləyin ki, bədəniniz o gözəl qoxunu özünə əməcək.

Saçlarınızın təmizliyinə diqqət edin. Bəzən kirlənmiş saçlardan gələn qoxu ətrafı sizdən qaçırda bilər.

Dişlərinizi gündə ən az iki dəfə sürtün. Yeməkdən sonra qarqara edin. Əgər bunu etmirsinizsə, onda digər bütün cəhdlər boşuna getmiş olar, çünki pis ağız qoxusu çox asan hiss edilən bir qoxudur.

Geyimlərinizin içinə qabartma tozu əlavə edin. Yoğun tərləmə hallarında bu sizin işinizə yarayacaq.

Geyimlərinizi təmiz saxlayın. Tərli geyimi təri quruduqdan sonra belə, geyinməyin.

Qoxulu dırnaq boyaları istifadə edə bilərsiniz.

Geyim şkafınıza təbii qoxulu spreylər sıxın.

Çantanızda ətirli bədən yağları gəzdirin. Yağlar dəridə uzun müddət qalır. Melisa, ya da yasəmənli yağları sınaqdan keçirin.

Duş almaq imkanınız olmayan anlarda isə tək istifadəlik dəsmallarla qoltuq altlarını yuyub silin.