Belə maskanın hazırlanması üçün yarım stəkan qatıq götürüb, ona 1 yumurta və 1 çay qaşığı kakao tozu əlavə edin. Yaxşıca qarışdırın və saçın diblərinə çəkin. Bir qədər quruyandan sonra, bir də çəkin. 3-4 dəfə bu qarışığı təkrarən saçlara çəkib, başı isti papaqla örtün və 20-25 dəqiqə gözləyin.

Saçları isti su və uşaq şampunu ilə yumaq, sonra gicitkən həlimi ilə yaxalamaq məsləhət görülür. Bu maskadan həftədə 2-3 dəfə istifadə etmək lazımdır.

Müntəzəm istifadə etdikdə, 2-3 aydan sonra saçların daha sıx olduğunun şahidi olacaqsınız.