Ultrasəs müayinəsi ilə bətndəki rüşeymin cinsini öyrənmək günahdırmı?

Milli.Az İslam.az-a istinadən bildirir ki, bu iş öz-özlüyündə günah deyil. Lakin bəzi məqamları nəzərə almaq lazımdır. Əvvəla, ultrasəs müayinəsi heç də həmişə düzgün proqnoz vermir. 

Bəzən hamiləliyin ilk aylarında ultrasəs müayinəsi bir cür nəticə göstərir, sonrakı aylarda isə başqa cür. Quranda da bildirilir ki, bətndəki uşaq haqqında məlumat qeyb xəbərlərinə aiddir (Loğman, 34). İkincisi, bəzən ultrasəs müayinəsini haram məqsəd üçün edirlər. Yəni valideynlər uşağın cinsini ona görə öyrənirlər ki, əgər qızdırsa, abort etdirsinlər, oğlandırsa, saxlasınlar. 

Bu iş haramdır. Bu məqsədlə ultrasəs müayinəsi etdirmək və ya bu müayinəni həyata keçirmək də haram və günahdır.