"Şeir qoxulu Qadın"

Qeydiyyat Şifrənin bərpası

Qadınla.Com

Tarix: 22-02-2022, 10:00

Müəllif: Diablo

Şərhlər: 1

Baxılıb: 2 335

Bölmə: Həyat tərzi / Şeirlər

Səs ver:

(səs: 1)

Dodağımda bir misra
Əl eləyir adına.
Ömrü şeir qoxulu,
Qəlbi tənha qadına.

O köksündə çırpınan,
Ürək həsrət çiçəyi.
Sən çəkdiyim dərdlərin,
Ən gözəli, göyçəyi.

Misralara səpmisən,
Ağrısını bir eşqin.
Həsrətinlə üşüyür,
Qapısından gir - eşqin.

Dodağında titrəyən
Misralara salam de.
Könlünü duymazlara,
Sözüm yoxdu, lalam de.

Bu ayrılıq qoxulu
Qəlbimi al ovcuna.
Nəfəsini qoxlasın,
Qoy ucuna-ucuna.

Kaş yuxun qarışmasın,
Bir qəribin sözündən.
Mənim şeir qoxulum,
Muğayat ol özündən...