Dəniz donuzu
O, yumru başlı balaca balinadır. 6 növü var. Dəniz donuzları Atlantik və Sakit okeanların sahil sularında yaşayırlar. Balıqlar və kalmalarla qidalanırlar.

Balina  dərində yaşayır
Kaşalot balinası dənizin 1000 metr dərinliyinə enir. Nəhəng kalmarın arxasınca daha dərinə girə bilir.

Balinalar quruya çıxmır
Balinalar bütün ömürlərini dənizdə yaşayır. Ancaq nəfəs almaq üçün arabir suyun üzünə çıxaraq hava udurlar.

Ən böyük balinanın adı
Vaxtilə Yerdə yaşamış məməlilərin ən nəhəngi olan balinanın adı -Göy balinadır. Onun uzunluğu 30 metrdən çox, çəkisi minimum 90 tondur. Bəzilərinin çəkisi bundan iki dəfə çox olur. Nəhəng olduğuna baxmayaraq Göy balina acgöz deyil. O, krillə- xərçəngəoxşar xırda varlıqlarla qidalanır.Göy balina gün ərzində 4 milyona qədər belə varlıqları tutur.

Göy balinanın iştahası
Göy balinanın üst damağında saçaqlı lövhələr asılmışdır. Onlar balina bığları adlanır. Balina xərçəngəoxşar canlıları - planktonları su ilə birlikdə sorur. Sonra dili ilə suyu bığları vasitəsilə kənar edir, su ağzının yanlarından axıb gedir. Ona isə ağzında qalmış plaktonları udmaq qalır.

Göy balinanın balası
Göy balinanın balası 7 metr uzunluğunda doğulur. Heyvanlar aləmində bu ən iri doğulandır. Onun çəkisi təxminən 8 ton - yaşlı fildən çox olur.

Qozbel balinalar oxuyur
Bu balinalar saatlarla yüksək tonlu fitdən tutmuş uğultuyadək səslər çıxarırlar. Qozbel balinanın nə oxuduğunu heç kəs bilmir. Bəlkə də o, öz dişisinə serenada oxuyur, yaxud digər balinalarla danışır.

Balanın doğulması
Balinanın balası doğularkən anasının bətnindən suda doğulmasın deyə quyruğu irəlidə gəlir. Başı görünən kimi anası və yaxınlıqda olan dişilər onu suyun üstünə qaldırırlar ki, ilk nəfəsi alsın.

Narval nədir?
Narval- delfinlərin dənizdə yaşayan məməlilər ( təkbuynuz ) ailəsidir. Erkəklərdə ancaq sol buynuz inkişaf edib. Üst çənədə 3 m uzunluğadək uzanan buynuz rəqiblə mübarizədə əvəzsiz silahdır.

Balinanın sürəti