Ana, deyəsən nənənin yaddaşı tamam pozulub! - Niyə ki? - Nənə hər dəfə məni tanımır, qapıda görən kimi deyir: - Baxın, görün bizə kim gəlib?
Televiziyaya məktub : Xahiş edirəm seriallar arası aşağıda verdiyiniz yazını verməyəsiniz. Nənəm elə bilir karaokidir, oxuyur. Neçə dəfə sənə demişəm, sağ əlində bıçağı, sol əlində çəngəli tut! Uşaq narazı-narazı deyir: - Bəs əti hansı əlimdə tutum?
Ata qol saatına baxıb deyir: -Saatım dayanıb, gərək ustaya aparım təmizləsin! Balaca qız öz otağından söhbətə qarışır: - Yox ata, o təmizdir, onu səhər şampunla yumuşam!
Həkimin otağında: - Həkim kömək eləyin mənə, Hər gün yuxuda görürəm ki siçovullar futbol oynayır. - Mən sizə elə dərman yazacağam ki, siz daha yuxu görməyəcəksiniz. - Yazın, yazın, amma bu gün həmin dərmanları qəbul edə bilməyəcəyəm! - Niyə? -Çünki bu gecə final oyun olacaq.
Blokun işığı yanmır. 4 yaşlı Çiçək nənəsinin əlindən bərkdən tutub pilləkənlərdən düşür. Bu vaxt pilləkənlə qalxan bir xala Çiçəyi danışdırmaq istəyir: - Mən burda yaşayıram. Sən də burda yaşayırsan? Çiçək qorxa-qorxa qadına baxıb deyir: - Yox mən evdə yaşayıram
Əhsən sənə Əhməd, zoologiyadan yaxşı qiymət almısan! Bəs bu necə oldu? Axı sən zoologiyanı yaxşı bilmirsən? - Çox asanlıqla aldım yaxşı qiyməti. Dedim Dəvəquşunun üç ayağı var, müəllim də məni təriflədi. - Burda tərifli nə var ki, sən səhv eləmisən axı, dəvəquşunun məgər üç ayağı var? Onun iki ayağı var axı... - Bütün uşaqlar bir səslə dedilər ki, dəvəquşunun dörd ayağı var. Bircə mən dedim üç ayağı var. Ona görə də müəllim məni təriflədi.
Ata, bu gün anam məni iki dəfə döyüb! - Nəyə görə? - Birinci dəfə anama gündəlik göstərdim, ordakı ikiləri, müəllimlərin yazdıqlarını görən kimi məni çırpdı. - Bəs ikinci dəfə nəyə görə döydü? - Gündəliyin əslində uşaq vaxtı onun özününkü olduğunu biləndə.