Pişik tərəfindən cırmaqlanmış və ya dişlənmiş insanların professional tibbi yardıma ehtiyacları var. Amerikadakı Mayo Klinikasının hazırladığı statistika bunu deməyə əsas verir.
Tibb mərkəzinin cərrahları üç il ərzində araşdırma aparıblar. Bu müddətdə 193 nəfəri müayinə ediblər. Məlum olub ki, pişiklərin dişlədiyi insanların 30%-nin həkimin yardımına ehtiyacı olur. Çünki yaralar gec sağalır, bəzən hətta cərrahi müdaxiləyə ehtiyac olur.
Bundan başqa, pişiklərin yaraladıqları adamların dərilərinin altında infeksiyalar da aşkarlanıb. Bu səbəbdən də əməliyyat vacib olur.