Gümüş --- Soyuq və qurudur. Bəzi cəhətlərdən yaquta yaxındır. Vasvasalıq, dəlilik, urək döyüntüsü hallarında da gümüş əşyadan və qablardan istifadə etmək tövsiyə edilir. Gümüş qabda şərab içmək adamı çox nəşələndirir.

Əqiq (Aqat) --- Xassəcə soyuq və qurudur. Yaxşısı qırmızı və ya ağ hesab olunur. Göz üçün xeyirlidir. Toz halında qanaxmanı dayandırır. Rəvayətə görə əqiq üzük taxanların işi avand olur.

Xrizolit --- Soyuq və qurudur, xassəcə zümrüdə yaxındır. Cinsi həvəsi öldürür. Xrizolit üzük gəzdirmək qorxuluğa qarşı faydalı hesab olunur.

Lacivərd (Lazur) --- İsti və qurudur. Təbii halda rast gəlinir, həm də mərmər daşından düzəldilir. Qanı saflaşdırır. Ondan düzəldilən üzük və ya digər əşyalar ürəyi möhkəmləndirir. Lacivərddən sürmə kimi müxtəlif göz xəstəliklərinin qarşısını almaq üçün istifadə edilir.

Qızıl --- Qızıl əşyalar urəyi quvvətləndirir, əhval - ruhiyyəni yaxşılaşdırır, ürək döyüntüsü, vasvasalıq hallarında faydalıdır. Böyrək zəifliyi, qara ciyər , böyrək daşı olanlar qızıl əşya gəzdirməlidirlər. Oynaq ağrıları olanlar qızıl üzük gəzdirməlidirlər, bu həmdə ömrü uzadır. Belə hesab edilir ki, qızılın zərərli heç bir xüsusiyyəti yoxdur, bədənin sağlamlığını qoruyub saxlayır.

Firuzə --- Soyuq və qurudur. Ürək və mədəni qüvvətləndirir, zəhərlərə qarşı müqavimətlidir. Firuzə üzük və ya əşya gəzdirmək ürəyi qüvvətləndirir. Qorxuya qarşı faydalı hesab edilmişdir.

Kəhrəba (Yantar)--- Qurudur. Mədə və urəyi qüvvətləndirir, əhval-ruhiyyəni yaxşılaşdırır, qanaxmanı dayandırır. Sarılıq, urək döyüntüsü və böyrək zəifliyi hallarında ondan istifadə olunur.