Evimizi nə qədər təmizləsək də, bəzi əşyalardan pis qoxu gəlməsinin qarşısını ala bilmirik.
Xüsusilə də divan və kreslolarımıza çökən bu qoxuları aparmaq çox çətin olur.
Çünki bu əşyalar gün ərzində daha çox istifadə edildiyi üçün üzərlərinə çox toz yığılaraq çirkə və pis qoxuya çevrilir. Xüsusilə açıq rəngli divan və kreslolarınızda bu problemi həll etmək bəzən mümkün olmur.
Sizə divan və kreslolarınızda yaranan pis qoxunu aparmağın asan üsulunu təqdim edirik.
Sodanın təmizləyici və ağardıcı təsiri olduğunu bilirik. Divan və kreslolarınızın üzərinə soda səpib bir gün saxlamaq və daha sonra tozsoranla təmizləmək qoxuları aparmaqda olduqca təsirlidir. Bununla yanaşı, bu cür mebellərin olduğu otaqların havasını tez-tez dəyişmək lazımdır.