Pullu
balıqların ilk olaraq pulu çıxarılır. Bunun üçün balığı mətbəx
taxtasına və ya adi stolun üzərinə qoyub, sol əlinizlə quyruq
nahiyəsindən tutub sağ əlinizdə isə bıcaq və ya xüsusi sürtkəclə
pullarını təmizləməlisiniz. Pulları möhkəm olan balıqları əvvəlcə 15-30
saniyəlik qaynar suda saxlayıb, sonra isə bıcağın küt tərəfi ilə
pullarını təmizləyə bilərsiniz. Balığın pulları təmizlənəndən sonra
artıq bütün üzgəcləridə kəsib atmaq olar. Əgər üzgəclər nisbətən
yumşaqdılarsa, o zaman onları qayçı ilə də kəsmək olar.
Pullardan
və üzgəclərdən təmizlənmiş balığı artıq yarmaq olar. Balığın sonraki
istifadəsindən asılı olaraq, onu qarın hissəsindən, baş hissəsindən və
ya bel tərəfindən yarmağa başlayırlar.
Daha
çox balığı qarın hissəsindən yarırlar. Qarın hissəsini başından
quyruğuna kimi kəsirlər. Sonra həmin dəlikdən ehtiyyatla, ödlüyü
zədələmədən, balığın içalatını çıxardırlar. Əgər, birdən, ödlük
zədələnərsə, onda tez bir zamanda balığı yumaq lazımdır və ödlük toxunan
yerləri duzla sürtmək, yoxsa balığın dadı acı olar.
İçalat
təmizlənəndən sonra, onurğa sümüyünə bitişik olan qaysaq kəsib atılır,
böyrəkləri təmizlənir və qarın hissəsindəki qaysağın rəngindən asılı
olaraq kəsib atılır.
Kambala (qalxan balığı) və ya paltus balıqları yarılanda ilk olaraq başları kəsilir sonra isə dəriləri bel tərfindən çıxarılır.
Pulsuz balıqlarda (misal üçün lota-lota,
sum və s.) bəzən hazırlananda dəriləri soyulur. Bunun üçün baş ətrafı
üzərə dərisi kəsilir. Sonra isə əllər duza salınıb, dərisi dartılıb
soyulur. Bundan sonra qarını yarılır və içalatı təmizlənir.
Əgər balığı doğranmamış şəkildə bişirmək lazım gələrsə, o zaman balıq baş hissəsindən yarılır. Bu halda qarın hissəsi kəsilmir.
Əgər balıqdan rulet və ya farş hazırlamaq lazım gələrsə, o zaman bel hissəsindən doğranılır.
Xırda balıqların hazırlanmasında həmçinin qarın hissəsinə toxunulmur. Başları kəsilib və o dəlikdən içalatları təmizlənir.
Balığın
hazırlanmasının növündən asılı olmayaraq, hər bir halda əgər baş
hissəsi qalarsa, qəlsəmələr mütləq çıxarılmalıdır. Qəlsəmələri ilə
bişirilən balığın dadı acı olur.
Kəsilmiş balıq bir neçə dəfə soyuq su ilə yuyulmalıdır.