Amerika alimləri araşdırmalar nəticəsində aşkar ediblər ki, hər gün az miqdarda təbii tünd şokolad istehlak edən insanda ürək fəaliyyətinin pozulmasının, xüsusilə aritmiyanın riski xeyli azalır.
Qadınla.Com xəbər verir ki, antioksidant maddələrlə zəngin olan şokolad damarlara iltihabəleyhinə təsir edir və damarların tonusunu azaldır.
Alimlər eksperiment zamanı aşkar ediblər ki, şokolad həm ürək xəstəliklərinin profilaktikası, həm də artıq ürək xəstəlikləri olan insanlar üçün faydalıdır. Eksperimentlər göstərib ki, aritmiyalardan əziyyət çəkən insanlarda şokoladın istehlakı ürək fəaliyyətinin yaxşılaşmasına kömək edib.
Şokolad həmçinin ürək çatışmazlığı kimi ağır pozulmanın inkişafı riskini azaldır.
Mütəxəssislər həftə ərzində 60 qr təbii tünd şokoladı istehlak etməyi tövsiyə edirlər.