Mən satıram sevdiyimsə naz almır,
Hay çəkirəm dərdim, qəmim azalmır,
Neynirəmsə qış ömrümü yaz almır,
Dərdlərimlə dolanıram, gəzirəm.

Min insanın arasından seçibdi,
Dünya sanki dərdi mənə biçibdi,
Gözlədiyim saat çoxdan keçibdi,
Ümidləri ayaq altda əzirəm.

Qəlbim sındı bircə kəlmə sözüylə,
Həyat mənə baxdı yaman gözüylə,
Sevincimi aparıbdı özüylə,
Kədərimi ipə-sapa düzürəm.

Əfsanə Rəvan