Sevmə artıq unut məni

Qeydiyyat Şifrənin bərpası

Qadınla.Com

Tarix: 8-11-2013, 01:00

Müəllif: Wiyinka

Şərhlər: 6

Baxılıb: 10 910

Bölmə: Həyat tərzi / Şeirlər

Səs ver:

(səs: 10)

Yorub sevgi, həyat məni,
Sevmə artıq, unut məni!
Ürəyindən sil at məni,
Sevmə artıq, unut məni!

Nə düşün nə xəyala dal,
Nə xatırla, nə yada sal,
Uzağa get uzaqda qal,
Sevmə artıq, unut məni!

Ümidlənmə boş boşuna,
Get yaşa sən öz başına,
Baxmayacam göz yaşına,
Sevmə artıq, unut məni!

Mənə elə dağ çəkdinki,
Sağalar yeri çətinki,
Sənə başqa nə deyimki,
Sevmə artıq, unut məni!

Yuxularımda dolaşma,
Mənim sevgimə bulaşma,
Bir də sevgidən danışma,
Sevmə artıq, unut məni!

Səni sevdim gör neçə il,
Nebi sevdi bir dəfə bil,
Daha səni sevən deyil,
Sevmə artıq, unut məni!