Sevənlər sevinmir sevdiyi qədər

Qeydiyyat Şifrənin bərpası

Qadınla.Com

Tarix: 12-03-2014, 14:31

Müəllif: Wiyinka

Şərhlər: 0

Baxılıb: 3 155

Bölmə: Həyat tərzi / Şeirlər

Səs ver:

(səs: 0)

Çoxunun qəlbini yandırıb həsrət,
Çoxunun qəddini sındırıb həsrət,
Çoxuna kədəri qandırıb həsrət,
Sevənlər sevinmir sevdiyi qədər.

Ayrılıq oduna düşən kül olur,
Göz yaşı yanağdan axır sel olur,
Çiçəkli baxçası dönüb kol olur
Sevənlər sevinmir sevdiyi qədər.

Ətəkdən üzülən ələ bənzəyir,
Bənizi saralan gülə bənzəyir,
Ötüşməz günləri ,ilə bənzəyir,
Sevənlər sevinmir sevdiyi qədər.

Sevincin içində itmir sevənlər,
Məhəbbət bağında bitmir sevənlər,
Mənimtək arzuya yetmir sevənlər,
Sevənlər sevinmir sevdiyi qədər.

Müəllif: Mücirəddin Mübarizoğlu