Aldanımış məktublar

Müəllif: Mr. OffiCeR
Şərhlər: 8
Baxılıb: 2316
Səs ver:
(səs: 1)
Hər sətir üstündə titrəyib əlim
Sətirlər qəlbimdən od alıbdılar
Mən sənə bir dəfə aldandım gülüm
Məktublar ömürlük aldanıbdılar
 
Məni yad eləmə, özgə ol, yad ol
Oyuncaq olmasın məktublar barı
Öründə bircə yol, alicənab ol
Yandır xatirəmi - o məktubları
 
Orda ürəyimin harayı , ahı
Qəlbimin utancaq sevdası yatır
Orda vuqarımın sınmaz günahı
Kövrək bir nəğmənin sədası yatır
 
Dağılar şöhrətin dumanı dağı
Udar bir ac balıq inci tək səni
Yazdığım sətirlər ac toxum kimi
Bir göz yaşını içəcək sənin
 
Mektublar içində nəyim-nələrim
Alovlu sətirlər gizli qəm kimi
Yandır məktubları...xatirələrimYansın,
külə dönsün qoy Kərəm kimi
 
Sənə ümid dolu dikilən gözlər
Yenə xatirədə donub qalandır
Əlim əsə - əsə yazdığım sözlər
O zaman düz idi indi yalandır

Həyatın özündə sınadım səni
Demə bahar idim, indisə qışam
Yaxşı ki, sonradan tanıdım səni
Yaxşı ki, ömürlük aldanmamişam...
 
Müəllifi: Nüsrət Kəsəmənli
(səs: 1)
Şərhlər: 8
Baxılıb: 2316
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Ən çox oxunanlar

Qadın testləri