Məğrur gülüşündə sevmişəm səni,
O gülüş öyrətdi ,sevməyi mənə.
Bircə dəfə görüm gülən gözləri,
Tanrı sonra versin ölümü mənə.

Çılğın gülüşündə sevmişəm səni,
O gülüş sevdirdi, cahanı mənə.
Təmiz sevgi dolu, o gülüşünlə,
Kaş bir dəfə dönüb, baxaydın mənə.

Səni unutmaqçun sevməmişəm mən,
Sevgimə paxıllıq eyləyir çoxu.
Darıxıb ağlamaq istəmirəm mən,
Səni gülüşündə sevmişəm axı.