Məktub

Müəllif: Mr. OffiCeR
Şərhlər: 4
Baxılıb: 2 513
Səs ver:
(səs: 3)
Yoxluğun çətindir mənə əzizim.
Bəlkə qayıdasan, düşün dərindən?!
Bir məktub yazıram sənə əzizim,
Ayrılıq gününün ilk səhərindən...

Bu evdə hələ də var ayaq izin.
Otaqdan-otağa aparır məni.
Darağda saçların, güzgüdə üzün,
Mən necə bir yerə toplayım səni?

Gözüm boş yatağa sataşdı birdən,
Fərqinə varmadım mən, daha yoxsan.
Adını çağırdım özüm bilmədən,
Yadıma düşdü ki, sən daha yoxsan...

Bəs sənin səhərin açılıb necə?
Sən mənim adımı səsləmədinmi?
Mənden tez oyanıb yenə gizlicə,
Üzümdən öpməyi istəmədinmi?

Ümidim əriyir daha get-gedə,
Qəlbimin küncünə qısılıb qalıb.
Sənin ən sevdiyin köynəyimdə də,
Saçının bir teli asılıb qalıb...

Gözüm bir nöqtəyə baxır anba-an.
Diqqət et gör hardan-hara gəlmisən?
Ən uzun cümləyə sıgmayan adam,
Kiçik bir nöqtəyə sığa bilmisən...

Gedənə ağlamaq qəribə işdir...
Gülümsə gələndə,ağla gedəndə.
Səndən də heç gözüm sum içməmişdi.
Bu qədər göz yaşı,hardandı məndə?

Nə isə, deyəsən gec olub saat,
Növbəti səhərin qoxusu gəlir,
Ayıbdır, məktubu oxu sən də yat,
Sevdiyin insanın yuxusu gəlir..

Müəllif: Xəzər Süleymanlı
(səs: 3)
Şərhlər: 4
Baxılıb: 2 513
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri