Səni itirmişəm uzun zamandır
Gəl ki ürəyimdən səni silmirəm.
Amma səni necə itirdiyimi,
Heç cürə yadıma sala bilmirəm...

Ya mən itirmişəm səni hardasa,
Ya sən gözdən itib, çıxıb getmisən.
Məncə çox fikirli olduğum bir gün,
Yəqin gözlərimdən düşüb, itmisən.

Səni axtarıram gecələr,sənsə,
Bircə şəkillərdə mənə baxırsan
Gözlərin, saçların qaradı deyə,
Bəlkə qaranlıq da yoxa çıxırsan ???

Sən ya şeirlər də,yada ruhum da,
Ya da gözlərimdə itmisən məncə.
Vaxt edib özümdə axtarım bir gün,
Səni ürəyimdə taparam bəlkə...

Səni tapmamağı bir yana qoyub,
Həmdə ürəyindən çıxıb gedirəm.
Sadəcə ağlımı itirməməkçün,
Səni itirməyi qəbul edirəm...