Gözlərim gözünə həsrətdir nədən?
Əllərim toxunmur əlinə sənin?!
Görəsən yadına düşürəmmi mən?
Heç adım gəlirmi dilinə sənin?

Demişdim ölərəm,sən gedən zaman.
Yaşadım ölmədim,məni bağışla...
"Kişilər ağlamaz" düşündum o an,
Ağlaya bilmədim,məni bağışla...

Ağlaya bilmədim...Buna səbəb var.
Bağışla nə olar,məni əzizim...
Qorxdum ki göz yaşım yolu isladar,
Yolundan edərəm səni əzizim...

İndi bir göz yaşım,bir də ötənlər.
Bundan ibarətdir nəyim vardısa,
Nə sən qayıdacaqsan,nə də o günlər,
Zaman da sənintək inadkardısa...

Unutmaq üçün çox yaxı zamandı.
Nəyin var,sil-süpür,keçmişdə qalsln.
Gözümün yaşını silmə amandı,
Mənim də silməyə bir şeyim olsun...

Sən daniş,mən daha susacam gulum...
Baxışım iz salar susduğum yerə.
Bir gecə özümü asacam gülüm,
Divardan şəklini asdığım yerə...
 
Müəllif : Xəzər Süleymanlı