Unut məni sevincində,
Həmdə kədərində unut.
Ayrıldığın o gecənin,
Soyuq səhərində unut.
 
Yollarımı gözlədiyin,
Həm itirib,həm gəzdiyin,
Çağırıb əzizlədiyin,
Ötən illərində unut.
 
Üzdü məni sənin hikkən....
Mənə sarılıb bükülən,
Saclarıma sığal çəkən,
Zərif əllərində unut.
 
Sən hər məndən danışanda,
Bilsin dostun,sirdaşın da,
Ağlayaraq göz yaşinda,
Həm də, qəhərində unut...
 
Müəllif: ÇİNGİZ  BABAOĞLU