Tanıya bilmirəm özümü hərdən

Şərhlər: 4
Baxılıb: 2 749
Səs ver:
(səs: 2)
Qulaqlar dilimdən inciyər deyə
Qələmlə deyirəm sözümü hərdən
Tanıyan söyləsin,mən kiməm, nəyəm?
Tanıya bilmirəm özümü hərdən
Qara bir kölgə də aldadır məni
Doğma da,özgə də aldadır məni
Cansız bir güzgü də aldadır məni
Tanıya bilmirəm özümü hərdən
Gecikmiş baharım,tənbəl qışım var
Qaranlıq taleyim,dərdli başım var
İyirimi bayram gördüm,əlli yaşım var
Tanıya bilmirəm özümü hərdən
Düyünlü işlərə çözüm bulmuram
Heç kimə, heç nəyə lüzum olmuram
Özümdən çıxanda,özüm olmuram
Tanıya bilmirəm özümü hərdən
Bu dünya mənimçün dönüb qəfəsə
Həyatım bağlıdır quru nəfəsə
Bədənim ruhuma yad gəlir nəsə
Tanıya bilmirəm özümü hərdən
 
Rəvan Məmmədli
(səs: 2)
Şərhlər: 4
Baxılıb: 2 749
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri