Nədir məhəbbət?

Müəllif: Mr. OffiCeR
Şərhlər: 6
Baxılıb: 2 644
Səs ver:
(səs: 0)
Bəzən düşünürəm nədir məhəbbət?
Əvvəli hardandır, sonu hardadır?
Bəzən düşünürəm varmı məhəbbət?
Fikirlər daima xəyallardadır.

Sən onu düşünüb həsrət çəkəndə,
O səni düşünüb, yadına salmaz.
Sən onu sevməyib, ondan qaçanda,
O səni düşünər, gecəni yatmaz.

Onun xəyalıyla yaşayanda sən,
O isə özgənin sevgisin gözlər.
Sən onu unudub, uzaqlaşanda,
O səni çox sevər, səni əzizlər.

Yatıb yuxunda da onu görən sən.
O isə bir anlıq düşünməz səni.
Onunçun özünü öldürən də sən
Gözləri gözləyər başqasın yəni.

Sən onu sevməyib düşünməyəndə,
O ki xəyalınla yaşayar ancaq.
Sən onun halına üzülməyəndə
O ki həsrətini daşıyar ancaq.

Sən onun yoxluğun anlamasan da,
O hələ ayrılıq əzabın çəkir.
Sən onun halına ağlamasan da,
O sənin eşqinə göz yaşı tökür.

Sən onun zəngini gözləyən anda,
O da başqasıyla danışar ancaq.
Sən ona məhəbbət bəsləyən halda,
O səni yarıda qoyub qaçacaq.

Sən onu sevməyib, sevsən başqasın
O sənin sevginlə alışacaqdır.
Sən özgə birindən danışan anda,
O ancaq hey səndən danışacaqdır.

O səni sevməyib verəcək əzab.
Sən onu sevəcən sonuna kimi.
Sən ona bir addım yaxınlaşanda,
O səni siləcək tozuna kimi.

Sən ona bir anlıq verməsən könül,
"Mən səni sevirəm, Rizvan" -yazacaq.
Sən başqa bir qıza şeir yazanda ,
O sənə sonluqsuz dastan yazacaq.

Müəllif : Rizvan Yardımlı
(səs: 0)
Şərhlər: 6
Baxılıb: 2 644
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri