Yadıma düşəndə keçmişim hərdən
Xəyala dalıram,xatirələrdən
Gözümdə canlanır uşaqlıq çağım
Mən niyə böyüdüm belə tez birdən

Yadıma düşdükcə sulanır gözüm
İçimə od vurur alışır közüm
Dərdim yox,sevincdən gülürdü üzüm
Mən niyə böyüdüm belə tez birdən

Necə keçmişimi ağlımdan atam
Ötən illərimlə təsəlli tapam
Onda ölməmişdi sağ idi atam
Mən niyə böyüdüm belə tez birdən

Muxtarov Araz