Bu səhər başqa səhər , bu gün bir başqa gündür Darıxmağın üstünə bir də sıxıntını gəl Bir zamansız xəstəlik, bir də tənhalığı gəl Quru baxışa həsrət, bir şirin sözə möhtac İçib-içib ünvansız "heç kimin" arxasınca Divarlara söylənib, tavana küsməyi gəl. Susuz çaydanlıq kimi, ocaqda nalə çəkib Qap-qara kəsilməyi gəl ömrümün üstünə.... Sigar ardıyca sigar...dolub daşır küldanlıq Otağın dumanından asılıbdır tənhalıq Boğulmaq belə xoşdur düşünsənə bir anlıq Bir qəzetin küncündə heç kim tanımasa da Bir "heç kim" tanıyacaq, heç vaxt olmayan kimi Bəlkə də ağlayacaq .heç vaxt olmayan kimi.... Bu səhər başqa səhər, bu gün bir başqa gündür... Darıxmağın üstünə bir də xəyalları gəl Gəl ki batım xəyala " heç kim"lə vidalaşım Bəlkə də adam olub tutub xəyallarımın ardıyca addımlayım. Bu dəfə sərxoşluğum bari işə yarasın Aparsın biixtiyar "heç kim" olan şəhərə Unudum boş qüruru, heç olmayan şərəfi Onsuz da sürünürəm, yoxdur başqa tərəfi. Onu unutmaq üçün içi dolu qədəhə Yalvardığım anları, qoy özünə yalvarım. Bəlkə "heç kim"liyindən bir dəfəlik qurtulum Həm özümə həm də ona bir ad qoyum. Bu həyatın zindanından bir əbədi azad olum... Bu səhər başqa səhər, bu gün bir başqa gündür Darıxmağın üstünə gəl hər nəyi istəsən Bir şeir gəl darıxmaqdan yazılan Bir "heç kim"lə məhəbbətin bəxş etdiyi əzablardan doğulan Səhərin xeyirindən, axşamın da şərini xeyirliyə çevirən Bir şeir gəl bədbəxtliyi , xoşbəxtliyə çevirən Bir insan gəl, həyatını əlləriylə cəhənnəmə çevirən...