Sosial şəbəkələrdə gənc anaların paylaşdığı şirin uşaq fotolarına baxan qızlar, bəzən hətta oğlanlar da adətən belə şərh verirlər: "Adamı evlənməyə həvəsləndirirsiniz”, "Ayy... adam lap istəyir bu uşaqlardan 5-6-nı dünyaya gətirsin”, "Mən də istəyirəm...”.
Amma uşaq böyütməyin nə demək olduğunu bilməyən bu xəyalpərəst qızlar əsl reallıqdan xəbərsizdirlər. O fotoların arxasında nələrin dayandığını bilmirlər. Birdəfəlik yadda saxlamaq lazımdır ki, insanlar ancaq xoşbəxt anlarını çəkib paylaşırlar. Özü də bir xeyli şişirdərək...
Bəs bu uşağın yatmayıb səhərəcən ağlamağı, 5 dəqiqə əvvəl yığışdırılmış otağı alt-üst etməyi, ananın 1 dəqiqə boş vaxtınının olmaması... Bütün bunları görmək üçün reallıqlarla üzləşmək lazımdır, İnstaqram fotolarına baxıb "like” etmək yox.
ABŞ-ın Texas şəhərindən olan peşəkar fotoqraf Anna Angenend gənc ananın gündəlik həyatının görünməyən tərəflərini ironik şəkildə işləyib. Onun dediyinə görə məqsədi gənc anaların həyatlarının heç də sadə və asan olmadığını göstərməkdir.