Kiçik
yalanlar münasibətlərin bir parçasıdır. Bəzən bu, kişilər üçün
xilasedici ola bilər. Kişilərin yalan danışmaq səbəbləri məqaləmizdə.
"Kiçik
yalan” ifadəsini yəqin ki, hamınız eşitmisiniz. Qarşınızdakı insana
ciddi ziyanlar vurmayan və vəziyyətdən çıxmaq üçün deyilən bu kiçik
yalanlar münasibətlərin bir parçasıdır. Həm kişilər, həm də qadınlar
münasibət müddətində bu yalanlardan istifadə edir. Ancaq aparılan
araşdırmalara əsasən kişilər yalandan daha çox istifadə edirlər. Yalan
danışmaqlarının səbəbi isə həyatı asanlaşdırmaqdır. Hər nə qədər
ziyansız kimi görünsə də, kiçik yalanlar gələcəkdə problemlər yarada
bilir. Yalanı vərdiş halına gətirmiş bir insan zaman keçdikcə daha vacib
məsələlərdə də yalan danışmağa başlayır və münasibətdəki inam hissini
zədələyir. Buna görə də, kişilərin niyə yalan danışdığını başa düşüb,
əvvəldən müdaxilə etməkdə fayda var.
Kişilərin
yalan danışmasının başlıca səbəbi əslində qadınların incikliklərinə
dözmək istəməməkləridir. Dostları ilə görüşdüyünü demək yerinə, vacib
işlərinin olduğunu deyə bilərlər. Çünki qarşılığında görəcəkləri
reaksiyalardan qorxurlar. Əslində pis niyyətləri olmasa da,
partnyorlarının bunu səhv anlaya biləcəyindən qorxurlar. Bir çox kişi
qadınların problemi şişirtməsindən şikayətçidir. Buna görə də mübahisə
etmək yerinə, yalan danışmaq onlara daha asan gəlir.
Xüsusilə
münasibətin əvvəllərindəsinizsə, yalan danışma səbəbləri, adətən, sizin
xoşunuza gəlmək ola bilər. Kişilərin qadınlara danışdığı yalanların
çoxu özlərini daha ağıllı və bacarıqlı göstərmək üçündür. Buna görə də,
bəzən yalan danışmaq onlara elə də səhv hərəkət imiş kimi gəlmir.
Əlbəttə münasibətin əvvəllərində hamı qarşısındakı insanın xoşuna gəlmək
istəyir, amma buna nail olmaq üçün yalan danışmaq əslində özünə
inamsızlığın bir əlamətidir. Bu vəziyyət münasibətin irəliləyən
dövrlərində onun özündə əskiklik hiss etdiyi hər anda yalan danışmasına
və buna bağlı olaraq ciddi problemlərə səbəb ola bilər.
Kişilər
üçün bir qadına "Yox” demək və ya münasibəti bitirmək də çox çətindir.
Bu cəsarətə sahib olmadıqları üçün də yalan danışmağı seçirlər.
"Hal-hazırda bir münasibət istəmirəm” cümləsi əslində "Səninlə birlikdə
olmaq istəmirəm” deməkdir. Ancaq kişilər bu sözlərin çox kobud, ya da
sərt çıxacağını düşünərək yalan danışmağı seçirlər. Beləcə qarşısındakı
qadına yaxşılıq etdiklərini düşünsələr də, əslində ayrılığın əsas
səbəbini bilməmək bir qadını daha çox incidir.