Sənaye və energetika naziri Natiq Əliyevin oğlu Fərhad Əliyevlə
evliliyə hazırlaşan Azərbaycanın "Eurovision-2010” təmsilçisi Safura
Əlizadənin sosial şəbəkələrdə maraqlı fotosu yayılıb.
"Qafqazinfo”
xəbər verir ki, prodüser Tolik özünün rəsmi instagram səhifəsində
Safura Alizadənin nazir oğlu ilə mərasimlərdən birindən çəkilən fotosunu
paylaşıb və ona xoşbəxtlik arzu edib: "Xoşbəxt olun, qoy sizin ürəyiniz
hər zaman sevgi ilə dolu olsun”.
Safura Əlizadə isə öz növbəsində Tolikə təşəkkürünü bildirib.
Qeyd edək ki, hələ ötən il "Qafqazinfo” Safura Əlizadənin Natiq Əliyevin oğlu Fərhad Əliyevlə ailə qurmağa hazırlaşması ilə bağlı ilkin informasiya yaymışdı. Onu da əlavə edək ki, Natiq Əliyevin oğlu artıq bir dəfə evli olub.
Bu günlərdə isə Safura özünün instagram səhifəsində nişan üzüklərinin şəklini paylaşmışdı.