Bəstəkar Tural Bakuvi yeni instrumental "Qış Kompozisiyası"nı təqdim edib.
Redaksiyamıza şəxsən açıqlama verən gənc bəstəkar T.Bakuvi buna qədər "Payız", "Bahar" və "Şərq" adlı kompozisiyaları hazırladığını deyib:
"Sözügedən kompozisiyanın üzərində artıq 2 aya yaxın idi ki çalışırdıq. Bu kompozisiya eyni zamanda istedadlı rejissorumuz Samir Qulamovun çəkdiyi "Canavar Qoxusu" bədii filminin sountreklərindən biridir.
Aranjimanı Ramal Rəsula aid əsərin tar ifası Şəhriyar İmanova, kamança ifası Rəcəb Rəcəbliyə, alt və skripka ifaları isə Çingiz Əliyevə aiddir.
Ümidvaram ki, "Qış"ım da ən azı "Payız", "Bahar" və "Şərq" qədər seviləcək".
Onuda qeyd edək ki, Tural Bakuvinin bəstələrini bir çox məhşur ifaçılar o cümlədən xalq artisti Flora Kərimova, Nazpəri Dostəliyeva ifa edib.