"İnternetdəki tanışlıq servisləri və saytlarında uğur qazanmağın sirri çox sadədir. Problem qadınla tanış olmaq istəyən kişilərin yanlış davranmasında, kişi ilə tanış olmaq istəyən qadınlarınsa çoxsaylı səhvlərə yol verməsindədir".
Sinqapurda yaşayan bloqer Eddi Azar "maraqlı" eksperiment apardığını deyib.
22 yaşlı Eddi Azar və xanımı Eyşa Ceykob ötən il evləniblər. 8 ay əvvəl onlar çox qəribə razılaşma ediblər.
Həmin razılaşmaya görə, Eddi və Eyşa "sərbəst nikah rejimi"nə keçirdilər. Rejim Eddinin istədiyi qadınlarla tanış olmasını, Eyşanın da kişilərlə tanışlıqda sərbəstliyini ehtiva edirdi.
Bloqer "eksperiment"in maraqlı alındığını yazıb:
"Tanışlıq saytlarındakı uğur mexanizmini anlamağa çalışdıq. Mən Eyşanın profilindən istifadə etdim, o da mənim profilimdən yararlandı. Arvadım mənə qadınlar tapdı, mən də onu kişilərlə tanış etdim. Beləcə, anladıq ki, tanışlıq servislərində və saytlarında kişilər yanlış davranırlar. Qadınlar isə kişilərlə tanış olanda çoxsaylı səhvlərə yol verirlər".
Tanışlıq üçün ərlə arvad Tinder servisindən yararlanıblar.
Onların nikahı "sərbəst" olduğundan Eddinin tanış olduğu qadınlarla görüşməsinə Eyşa mane olmayıb, Eyşanın da kişilərlə görüşlərinə Eddi etiraz etməyib.