Türkiyənin Zonguldaq bölgəsində 14 yaşlı qızı, 30 yaşlı A.K-ya ərə veriblər. Adı açıqlanmayan 14 yaşlı qız, facebook sosial şəbəkəsində özündən 16 yaş böyük biri ilə tanış olub. Bir müddət danışdıqdan sonra görüşməyə qərar verən 14 yaşlı qız, evdən qaçaraq İstanbula getməyə qərar verib. Yeniyetmə qız, 30 yaşlı sevgilisinin evində onunla cinsi əlaqəyə girib.

Məsələni öyrənən qızın ailəsi 30 yaşlı oğlanı evlənməyə məcbur ediblər. Ailələr arasında söz kəsilib və nişan keçirildikdən sonra yeniyetmənin ailəsi fikrini dəyişib və polisə müraciət edib.

30 yaşlı A.K təcavüzdə günahlandırılaraq həbs edilib. A.K bildirib ki, qız onunla istəyərək bir yerdə olub və o qızın 14 yaşında deyil, 19 yaşında olduğunu bilib. Lakin ailəsi 14 yaşlı qızlarına təcavüz edildiyi iddia edərək polisə müraciət ediblər. Məhkəmə qərarı ilə A.K, 8 il azadlıqdan məhrum edilib.