TƏCİLİ! Azərbaycanda məmur ailəsi QATARLA TOQQUŞARAQ faciəvi qəzada HƏLAK OLDU

Müəllif: Nigar
Şərhlər: 8
Baxılıb: 2625
Səs ver:
(səs: 0)
Saatlı rayonunda ağır yol qəzası baş verib.
İnsident rayonun Sarıcalar kəndində qeydə alınıb.
Teplovozla minik avtomobilinin toqquşması nəticəsində 3 nəfər ölüb. Baş vermiş ağır qəza nəticəsində ölənlərin kimliyi məlum olub.

Bu, Ağayev Güloğlan Abı oğlu, Ağayeva Hökumə Murtuz qızı və onların qızı Lamiyədir.
Onların hər üçünün Sabirabad sakini olduğu bildirilir.

18:30 radələrində həyat yoldaşı və qızı ilə birgə faciəvi şəkildə ölən 1954-cü il təvəllüdlü Ağayev Güloğlan Abı oğlunun baytar həkimi olduğu məlum olub.
Bildirilir ki, G.Ağayev ailəsi ilə birgə Sabirabadın Qalağayın qəsəbəsində yaşayıb və dünən bacısını görmək üçün Saatlının Sarıcalar kəndinə gəlib. Onlar Qalağayına qayıdarkən G.Ağayevin sürdüyü “VAZ 2106” markalı minik avtomobili dəmir yolu xəttinin üstündə sönüb.

63 yaşlı kişi yaxınlaşmaqda olan teplavoz gələnədək avtomobili işə salıb hərəkət edə biləcəyini düşünüb və maşından düşməyib. Lakin mühərriki işə salmaq mümkün olmayıb və sürətini azalda bilməyən teplavoz ata - 1954-cü il təvəllüdlü Ağayev Güloğlan Abı oğlu, ana - 1955-ci il təvəllüdlü Ağayeva Hökumə Murtuz qızı və qızları - 1998-ci il təvəllüdlü Lamiyə Ağayevanın olduğu avtomobili əzərək bir xeyli sürüyüb. Onlar hadisə yerindəcə vəfat edib.

Sarıcalılar kənd sakinləri bildirib ki, həmin ərazidəki dəmir yolu keçidində son illərədək şlaqbaum olub və post yerləşib. Bir müddət əvvəl orada işləyən 4 dəmiryolçu ixtisara düşərək işdən çıxarılıb və şlaqbaum da ləğv edilib.
Faktla bağlı cinayət işi açılıb, araşdırma aparılır.

Qeyd edək ki, qəzada həlak olmuş bu ailə Sabirabad Rayon İcra Hakimiyyətinin başçısının birinci müavini Həsən Həsənovun yaxın qohumlarıdır. Belə ki qəzada həlak olmuş Güloğlan Ağayevin həyat yoldaşı Həsən Həsənovun bacısıdır.(lent.az)
(səs: 0)
Şərhlər: 8
Baxılıb: 2625
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Ən çox oxunanlar

Qadın testləri