Tərkibi:
2 iri toyuq döşü
6 kartof
1 yumurta
2 x.q. un
100 q sürtgəcdən keçirilmiş pendir
1 dəstə cəfəri
duz
qara istiot
bitki yağı
Hazırlanması:
Göyərtini doğrayıb sürtgəcdən keçirilmiş pendirlə qarışdırın.
Toyuq
ətini nazik lay doğrayın. Duz, istiot vurub quru tavada 2-3 dəqiqə
qovurun. Teflon tavadırsa, azca bitki yağı da əlavə edin.
Kartofu təmizləyib sürtgəcin iri gözündən keçirin, sıxıb suyunu çıxarın.
Yumurta, un və duz əlavə edib qarışdırın.
Tavanı qızdırın. Dibini örtəcək qədər bitki yağı tökün. Kartofu içinə yayıb yastılayın.
Bu minvalla kartof blini alınacaq.
Təxminən 2-3 dəqiqəyə blinin bir üzü hazır olacaq. Çevirin. Bir yarısına toyuğu döşəyin.
Üzərinə
pendirlə göyərtini səpin. 2-3 dəqiqə sonra, alt tərəf qızaracaq, pendir
əriməyə başlayacaq. O zaman blinin boş yarısını üzərinə qatlayın, hər
iki üzünü 1 dəqiqə qızardın.